Tombola Megafuesend 2013
| N° d’ordre | Numéro gagnant | |
| 1 | 117 | 2 Fligerticket’en A/R München |
| 2 | 1410 | Akafsbong fir 100,– |
| 3 | 567 | Akafsbong fir 75,– |
| 4 | 17 | Akafsbong fir 50,– |
| 5 | 341 | Akafsbong fir 25,– |
| 6 | 750 | Akafsbong fir 25,– |
| 7 | 999 | Akafsbong fir 25,– |
| 8 | 1021 | Akafsbong fir 25,– |
| 9 | 488 | Akafsbong fir 25,– |
| 10 | 202 | Akafsbong fir 25,– |
D’Gewënner sinn ofzehuelen am Service Culturel vun der Stad Déifferdeng
5, rue du Parc Gerlache, L-4574 Differdange, Tél. 58 77 11-900
Megafuesend zu Déifferdeng
8. / 9. / 10. Februar 2013
D’Stad Déifferdeng, an Zesummenaarbecht mat sengem Comité des Fêtes a véier lokale Veräiner, organiséiert déi 6. Editioun vum Fuesweekend «MEGAFUESEND zu Déifferdeng» dat vu Freides, 8. Februar bis Sonndes den 10. Februar 2013 am Zentrum vun Déifferdeng.
Fuesparty, Freides den 8. Februar 2013
Fuesfreideg, den 8. Februar geet et lass mat der HAPPENING OLDIE „FUES“-PARTY am grousse Festzelt op der Moartplaz zu Déifferdeng. Déi bekannten DJ’en SERGE a PAOLO lëeen hier beschte Plakken op a suerge fir top Oldie-Fuesstëmmung.
Derniewt ass deen Owend den Optrëtt vun Duo HOFFI & ZAMBEZI, bekannt duerch den Après-Ski Hit „Schatzi schenk mir eng Foto“.
Clochard’s-Bal, Samschdes den 9. Februar 2013
Fuessamschdeg feiere mer op en Neits dee grousse CLOCHARD’S-BAL am Déifferdenger Zentrum, mëttlerweil ee vun deen beléifsten a gréisste Fuesbaler am Süde vu Lëtzebuerg.
Et spillt dee professionnelle, 15 Musiker staarke GINTA FIESTA ORCHESTA
Eng Auswiel vun deene beschte letzebuerger Museker ënnert der Leedung vun hierem Leadsänger Al GINTER.
«GINTA FIESTA ORCHESTA»
Dee selwechten Owend garantéieren och dëst Joër nees de Käpt’n Ändä, säi Matrous K1000 feat. Sandy & the Hüettes allerbescht Fuesstëmmung!
Dernieft wäerten d’PARTY CHAMP’S, dee fantasteschen Entertainment-Duo Jeannot CONTER a Rol GIRRES, mat Witz a Partystëmmung all Fuesgéck ameséieren.
Den Entréespräis fir Fuesfreideg läit bei nëmmen 8 €, a fir Fuessamschdeg bei 8 € am Virverkaf an 12 € an der Oweskeess. Ticket’en kritt der am Kulturbüro vun der Stad Déifferdeng an op der Internetsäit www.e-ticket.lu.
Tombola um Entreesbilljee
Um Entreesbilljee ass eng zolitt Gratistombola mat Haaptpräis enger Flugrees op München.
Parking & Diffbus
Parkméiglechkeeten ginn et ronderëm den Zentrum vun Déifferdeng, dat um Parking du Contournement an um Parking Hall La Chiers. Op der Autobunn A13 – Sortie 3 weise Schëlder de Wee fir op déi richteg Plaz ze kommen.
Während deenen 2 Owender fueren och déi 3 Linnen vum DIFFBUS gratis bis 3:30 Auer Moies!
«Mini Clochard’s-Bal»
Fuessonndeg den 10. Februar 2013
Dëst Joër ass déi 4. Editioun vum «Mini CLOCHARD’S-BAL», Fuessonndeg, den 10. Februar tëscht 15:00 an 18:00 am Festzelt op der Moartplaz.
Fir nëmmen 2,50 € ka Grouss a Kleng sech formidabel ameséieren. Dëst Joër gin ons Kanner animéiert vum FRUTZEL a verzaubert ginn ons Butze vum PAPA CHICO. Dernieft ginn et vill flott Präisser ze gewannen.
Weider Detailer fannt dir op www.megafuesend.lu oder beim Kulturbüro vun der Stad Déifferdeng (5 rue du Parc Gerlache, L-4574 Differdange) oder per Tel. 58 77 1 – 1900, culturel@differdange.lu.
